Merry Christmas

紅豆糕

紅豆糕
材料：
紅豆 ： 300g
粘米粉 ： 125ml
澄面 ： 62ml
粟粉 ： 62ml
片糖 ： 3片 (效果係唔甜)
菜油 ： 少許
凍水 ： 3杯半(約900ml) (煮紅豆用)
凍水 ： 1杯(約250ml) (開粉漿用)
凍水 ： 1杯半(約375ml) (浸片糖用)
做法：
1. 把紅豆用水浸6小時，瀝乾水
2. 用3杯半水把紅豆先煮至滾，轉慢火煮至軟身，把水份收乾。時間約1小時
(最好用有蓋的煲去煮，熄火后再局30分鐘)
3. 用1杯半水把片糖浸融，加入少許油
4. 用1杯水把粘米粉、澄面、粟粉及油混合成粉漿，加入片糖水；
5. 再加入煮好的紅豆
6. 用中火煮滾至稠身，一邊煮一邊不停攪伴。 (最好用不黏底的煲)
7. 把漿料倒入已掃油的糕盆內
8. 用大火隔水蒸1小時，待涼，放入雪櫃冷卻即可食用

心情隨筆

2015年6月11日星期四

今日心情總係唔好，忐忑不安。


由於噚日同老豆嘈起來。其實事情只係好簡單，媽咪想老豆快啲去沖涼，老豆一貫作風，唔認人係咁打機。之後媽咪開始長氣了 T_T 老豆又開始勞氣了﹐又話媽咪針對佢了。

唉！.........................

我覺得佢只需要簡單認一句話一陣去沖，事情就解決啦。叫佢去沖涼啫，唔係做乜呀？點解咁難呢？

當我幫媽咪出聲時，老豆就大發脾氣，走佢沖涼。為乜呢？

過咗一會，我臨瞓時，我覺得有需要同老豆傾。但係呢個風頭火勢，我真係有點怕，我諗咗好耐....好耐。終於鼓起勇氣同佢講：

"我知我講乜你都唔會聽，但係我必需要講。你話媽咪針對你，討厭你，但你有無諗過你對佢;的態度咪一樣唔專重。媽咪其實好似普通女人一樣，氹吓就得。"

講到中間，佢已經好唔耐煩叫我『你快啲返去瞓啦！』，我堅持要講完。

我唔知咁講啱唔啱，會令事情變好、定變壞呢？

其實佢哋兩個唔自己諗辦法去相處，我哋就算係女兒亦都做唔到乜嘢！

媽咪灰心，老豆懶理。唉！我好怕......我根本唔知應該點做。有無人教吓我？